Jurgen Klopp មានអារម្មណ៍ឯកោ ពេលឃើញអ្នកគាំទ្រចាកចេញមុនចប់ការប្រកួត
10-November-2015 | ដោយ មួយឡា
គ្រូបង្វឹក ក្រុម Liverpool លោក Jurgen Klopp បាននិយាយថាគាត់មានអារម្មណ៍ថាឯកោរនៅ Anfield ក្នុងវគ្គចុងក្រោយនៃការចាញ់ Crystal Palace ២-១។
អ្នកគាំទ្រ ក្រុមម្ចាស់ផ្ទះមួយចំនួនបានចាកចេញពីកន្លែងក្រោយកីឡាករ Scott Dann តែតបញ្ចូលទីអោយ Palace មុន៨នាទីចប់ការប្រកួត។
“Klopp ដែលបានចាញ់ប្រកួតទី១របស់ខ្លួនបាននិយាយថា៖ “នាទីទី៨២ ការប្រកួតចប់ហើយ។”
“ខ្ញុំបែរមកក្រោយ ហើយខ្ញុំមានអារម្មណ៍ថាឯកោរពេលនោះ។ យើងត្រូវសំរេចថាពេលណាវាចប់។”
គ្រាប់បាល់របស់ Dann បានជួយអោយ Palace ឡើងឈរលំដាប់លើ Liverpool ក្នុងតារាង ដែលមានន័យថា Klopp បានឈ្នះ៣ ស្មើ១ និងចាញ់១ក្នុង៧ប្រកួតរបស់គាត់។
អតីតគ្រូ Borussia Dortmund ដែលធ្លាប់បាននិយាយថាក្លឹបត្រូវស្ងប់អារម្មណ៍ក្រោយពួកគេរបូត គ្រាប់បាល់នៅចុងម៉ោងលើក្រុម Southampton កាលពីខែតុលា មិនខឹងអ្នកគាំទ្រដែលបានចាកចេញឡើយ ប៉ុន្តែអន់ចិត្តនឹងកីឡាកររបស់គាត់ដែលមិនធ្វើអោយការវាយបកអាចកើតមានឡើង។
គាត់បានពន្យល់ថា៖ “ខ្ញុំមិនខកចិត្តពីវាទេ ពីការដែលអ្នកគាំទ្រចាកចេញ ពួកគេមានមូលហេតុ។ ប៉ុន្តែយើងមានទំនួលខុសត្រូវថាគ្មាននរណាម្នាក់អាចចាកចេញពីការប្រកួតមុន១នាទីឡើយមុនពេលចប់ការប្រកួតព្រោះគ្រប់យ៉ាងអាចកើតឡើង ។”
ក្នុងចន្លោះនាទីទី៨២និង៩៤ យើងអាចរកបាន៨គ្រាប់ ប្រសិនបើអ្នកចង់បាន តែអ្នកត្រូវប្រឹងដើម្បីវា។ នេះជាអ្វីដែលយើងត្រូវបង្ហាញ តែយើងមិនបានធ្វើ៕
ប្រភព៖ BBC Sports , sportkh
ចំនួនអ្នកទស្សនា
- ថ្ងៃនេះ5711
- ម្សិលមិញ12561
- សប្តាហ៍នេះ33661
- ខែនេះ55541
- ឆ្នាំនេះ55541
- សរុប20497997